Universitet Kengashining qaroriga asosan 2024-2025 o‘quv yili qabulida 60420100 – Yurisprudensiya: biznes huquqi ta’lim yo‘nalishida ikkinchi va undan keyingi oliy ta’lim bo‘yicha test imtihonlarini topshirgan abituriyentlarning to‘plagan ballari asosiy qabul chegaralariga 4 ballgacha yetmagan qo‘shimcha ravishda o‘qish istagini bildirib, ariza bilan 2024-yil 1-noyabrga qadar murojaat qilgan abituriyentlardan ballar ketma-ketligiga qat’iy rioya qilingan holda birinchi o‘quv yilida oshirilgan (tabaqalashtirilgan) to‘lov-kontrakt miqdorlari 2024-2025 o‘quv yili uchun amalda o‘rnatilgan to‘lov-kontrakt miqdoriga nisbatan quyidagi miqdorlarda belgilandi:

to‘plagan ballari qabul kvotalari (parametrlari) chegarasiga bir ballgacha yetmagan abituriyentlar uchun — 1,5 barobar;

1,1 balldan 2,0 ballgacha yetmaganlar uchun — 2,0 barobar;

2,1 balldan 3,0 ballgacha yetmaganlar uchun — 2,5 barobar;

3,1 balldan 4,0 ballgacha yetmaganlar uchun — 3,0 barobar.

Shuningdek, qabul parametrlari chegarasiga 4,1 balldan 53,9 ballgacha yetmagan, qo‘shimcha ravishda o‘qish istagini bildirgan abituriyentlarning birinchi o‘quv yili uchun belgilangan bazaviy to‘lov-kontrakt miqdorlariga nisbatan oshirilgan (tabaqalashtirilgan) to‘lov kontrakt qiymatining miqdorlari quyidagicha belgilandi:

4,1 balldan 22,0 ballgacha yetmaganlar uchun — 5,0 barobar;

22,1 balldan 40,0 ballgacha yetmaganlar uchun — 7,0 barobar;

40,1 balldan 53,9 ballgacha yetmaganlar uchun — 10,0 barobar;

54,0 ball va undan ortiq ball yetmaganlar talabalikka qabul qilinmaydi.

ESLATMA! Davlat komissiyasi tomonidan belgilangan muddatlarda ushbu miqdorlar bo‘yicha to‘lov-kontrakt shartlari birinchi o‘quv yili uchun 50 foizi bajarilgandan so‘ng abituriyent o‘qishga qabul qilinadi. To‘lov-kontrakt shartnomalarini rasmiylashtirish bo‘yicha ma’lumotlar qo‘shimcha e’lon qilinadi.

2024-08-26